Ang YouthWorks PH FTW (Flexible Training for Work) ng United States Agency for International Development at Philippine Business for Education ay isang programang nagbibigay ng libreng online skills training sa mga kabataan.

Layunin nitong turuan ang mga kabataang 18-30 years old ng online modules na makakatulong sa paghahanap ng trabaho. Kabilang sa programa ang mentoring, pag-aaral ng leadership skills, technical vocational skills, at on-the-job training.
Libre ito, at may kasamang P350 na mobile internet allowance kada buwan, training kit, at learning device para sa nangangailangan. Sa on-the-job training, makakatanggap ang trainee ng 75% ng regional minimum wage. Ang haba ng programa ay nakadepende sa kurso.

Sa pagsagot ng registration form, nagbibigay pahintulot ang registrant sa YouthWorks PH na kolektahin, i-record, itago, i-update, at gamitin ang kanilang personal na impormasyon para sa mga proyekto ng YouthWorks PH kabilang na ang pagbabahagi ng mga ito sa partners ng YouthWorks PH. Lahat ng impormasyong iyong ibibigay ay mapapasailalim sa mga data privacy protocol alinsunod sa Data Privacy Act ng 2012. learn more